ஆண்களின் மீது பல்லி விழுந்தால் என்ன பலன்? (Palli Vizhum Palan for Male)
பல்லிகள் என்றாலே எல்லோருக்கும் ஒரு சின்ன பயம் இருக்கத்தான் செய்யும்; ஏனென்றால் அவை தெய்வங்களின் மறு உருவமாகவே பார்க்கப்படுகின்றன. நல்ல மனம் கொண்ட மனிதர்கள் வாழும் இடங்களில் மட்டுமே பல்லிகள் வாசம் செய்யும். பண்டைய காலங்களில் பல்லிகளின் குணாதிசயங்களை அறிவதற்காகவே ‘கௌளி சாஸ்திரம்’ என்ற பிரத்தியேக கல்விமுறை இருந்துள்ளது. ‘கௌளி’ என்பது பல்லியை குறிக்கும் வார்த்தையாகும்.
நாம் இந்த பதிவில், ஆண்களின் மீது பல்லி விழுந்தால் (Palli vizhum palan for male) என்ன நடக்கும்? குறிப்பாக ஆண்களின் எந்தெந்த உடல் பகுதிகளில் பல்லி விழுந்தால் என்னென்ன பலன்கள் கிடைக்கும் என்பதை விரிவாகப் பார்ப்போம்.
ஆண்களுக்கு பல்லி விழும் பலன்கள் (சுருக்கமான அட்டவணை)
படிக்க எளிதாக இருப்பதற்காக, உடலின் முக்கிய பகுதிகளில் பல்லி விழுந்தால் கிடைக்கும் பலன்களை கீழே அட்டவணையாகக் கொடுத்துள்ளோம்:
| உடல் பகுதி | பல்லி விழும் பலன் |
| தலை / உச்சந்தலை | கடுமையான எதிர்ப்புகள் / எச்சரிக்கை தேவை |
| முகம் | எதிர்பாராத பணவரவு மற்றும் செல்வ வளம் |
| கண்கள் (இடது/வலது) | மகிழ்ச்சியான செய்தி / காரியத் தோல்வி |
| உதடுகள் | சண்டை சச்சரவுகள் / காரியத் தடை நீங்கும் |
| கைகள் / மணிக்கட்டு | பொருட்செலவு / வீட்டை அழகுபடுத்தும் எண்ணம் |
| பாதம் | கஷ்டங்கள் நீங்கி வாழ்க்கை வளப்படும் |
தலை மற்றும் முகப் பகுதிகளில் பல்லி விழுந்தால் (Head & Face)
- தலைப் பகுதி (Head): ஆண்களின் தலைப்பகுதியில் பல்லி விழுந்தால், கடுமையான எதிர்ப்புகள் அல்லது எதிர்மறையான விளைவுகள் ஏற்படலாம். எனவே மிகவும் எச்சரிக்கையாக இருக்க வேண்டும்.
- உச்சந்தலை (Top of Head): அடுத்து வரும் நாட்கள் மிகவும் ஆபத்தானதாக அமையலாம் அல்லது உங்களுக்கு மிகவும் நெருங்கியவர்களுக்கு ஏதேனும் விபரீதங்கள் நிகழலாம்.
- முகம் (Face): முகப்பகுதியில் பல்லி விழுந்தால், எதிர்பார்க்காத நேரத்தில் எதிர்பார்க்காத அளவு தன லாபம், பணவரவு மற்றும் செல்வ வளம் கூடும்.
- முன் நெற்றி (Forehead): நெற்றிப் பகுதியில் விழுந்தால், குடும்பத்தில் இருந்து கொஞ்ச நாளுக்குப் பிரிந்து இருக்க நேரிடும். அதாவது, மனைவி மக்களை விட்டு சிறிது காலம் பிரிந்து வாழக் கூடும்.
- மீசை (Mustache): உங்களால் கணிக்க முடியாத அளவிற்கு ஏதோ ஒரு எதிர்பாராத பிரச்சனை வரப்போகிறது என்பதன் அறிகுறியாகும்.
கண்கள், காது மற்றும் வாய் பகுதிகளில் பல்லி விழுந்தால்
- இடது கண் (Left Eye): மகிழ்ச்சிகரமான செய்திகள் உங்களைத் தேடி வரும்.
- வலது கண் (Right Eye): புதிதாக நீங்கள் மேற்கொண்டிருக்கும் முயற்சிகள் தோல்வியைத் தரலாம். இதிலிருந்து விடுபட குலதெய்வத்தை வழிபட வேண்டும்.
- இடது காது (Left Ear): செல்வ வளம் பெருகும். தொழிலில் நல்ல முன்னேற்றம் கிடைத்து, அதன் மூலமாக வீட்டில் செல்வம் தங்கும்.
- மேல் உதடு (Upper Lip): சண்டை, சச்சரவு, குழப்பம், விரக்தி மற்றும் கைகலப்பு வரை சென்று அதிலிருந்து மீண்டு வர வாய்ப்புள்ளது.
- கீழ் உதடு (Lower Lip): காரியத் தடை நீங்கும். செய்ய நினைத்து தள்ளிப்போட்ட செயல்களை மீண்டும் தொடங்கினால் அது வெற்றியில் முடியும்.
- இரு உதடுகளிலும் (Both Lips): தூரத்து உறவினர்களோ அல்லது தெரிந்தவர்களுடைய மரண செய்தியோ வந்து சேர வாய்ப்பிருக்கிறது.
- வாய் (Mouth): உங்கள் உடல் ஆரோக்கியத்தை மிகவும் சிறப்பாக கவனித்துக் கொள்ள வேண்டிய அவசியம் ஏற்படும். மருத்துவச் செலவுகள் அதிகரிக்கலாம்.
உடல் மற்றும் கைகளில் பல்லி விழுந்தால் (Body & Hands)
- முதுகின் இடப்புறம் (Left Back): கூடிய விரைவில் நல்ல மற்றும் மகிழ்ச்சியான வெற்றிச் செய்திகள் வருவதற்கான வாய்ப்புகள் உண்டு.
- மணிக்கட்டு (Wrist): உடல் அல்லது வீட்டை அழகுபடுத்திக் கொள்வதில் அதிக ஆர்வம் காட்டுவீர்கள்.
- கைகள் (Hands): கைகளில் பல்லி விழுந்தால் பெரிய அளவில் பொருட்செலவு அல்லது வியாபாரங்களில் பெருத்த நஷ்டங்கள் ஏற்பட வாய்ப்புள்ளது.
- இடது கை (Left Hand): ஆண்களின் இடது கையில் பல்லி விழுந்தால் சமூகத்தில் அவமரியாதைகள் கிடைக்கலாம்.
- வலது கை (Right Arm): “எங்கோ போற மாரியாத்தா என் மேல வந்து ஏறாத்தா” என்று கூறுவது போல, வீண் பிரச்சனைகளை உங்கள் தலையில் நீங்களே ஏற்றுக் கொள்வீர்கள்.
- விரல்கள் (Fingers): பழைய அழகான நினைவுகளை நினைவு கூர்ந்து மகிழ்ச்சி அடைவீர்கள். பள்ளி/கல்லூரி கால நண்பர்களுடன் பேச வாய்ப்புகள் கிடைக்கும்.
கால்களில் பல்லி விழுந்தால் என்ன பலன்? (Legs & Foot)
- பின்னங்கால் (Calf Leg): ஆண்களின் பின்னங்கால்களின் மீது பல்லி விழுந்தால், விரைவில் வெளியூர் பயணங்களுக்குச் செல்லக்கூடும்.
- பாதம் (Foot): இவ்வளவு நாள் பட்டுக்கொண்டிருந்த கஷ்டங்களில் இருந்து நீங்கி, வாழ்க்கை வளப்படுவதற்கான அனைத்து விதமான வாய்ப்புகளும் கிடைக்கும்.
- கால் விரல்கள் (Toes): உடல் ரீதியான பிரச்சனைகள், அனாவசியமான மருத்துவச் செலவுகள் மற்றும் மன அழுத்தங்கள் ஏற்படலாம்.
பரிகாரம் மற்றும் முடிவுரை
பொதுவாகவே பல்லிகளைப் பார்த்து யாரும் அஞ்ச வேண்டிய அவசியமில்லை. ஏனென்றால் அவை நமக்கு நடக்கப்போவதை முன் கூட்டியே எச்சரிக்கை செய்யும் ஒரு நல்ல தெய்வ அறிகுறியாகும். எனவே பல்லிகளைக் கண்டு பயப்படாமல், குலதெய்வத்தை முழு மனதுடன் வழிபட்டு வந்தாலே தோஷங்கள் நீங்கி நன்மைகள் பிறக்கும்.
இதையும் படியுங்கள்: 👉 RASI PALAN TODAY (இன்றைய ராசி பலன்)